СОҚ
= етістік. 1. Ұру, періп жіберу (адамды). 2. Аттың сауырына қамшы басу. 3. Тықылдату, тарсылдату, қағу. 4. Бір жерге жол-жөнекей бару, аялдау, кідіру. 5. Металдан әртүрлі бұйым, құралдар жасау. 6. Үлкен ғимарат, үй т.б. құрылыстар тұрғызу, салу. 7. Жүрек, тамыр сөздерімен тіркесіп келіп, жұмыс істеу, қозғалу деген мағына береді. 8. Жел, дауыл, боран, құйын сөздерімен тіркесіп келіп, ұйтқу, үрлеу, гуілдеу деген мағына береді. 9. Ток, найзағай сөздерімен тіркесіп келіп өлтіру, зақымдау мағынасын береді. 10. Қоңырау, дабыл сөздерімен тіркесіп келіп, қағу, ұру мағынасын білдіреді. 11. Ат, мәшине сияқты сөздермен тіркесіп келіп шаршау, қалжырау, болдыру мағынасын білдіреді. 12. Әкеліп, апарып, келіп т.б. сөздермен тіркесіп келіп, тірелу, әкелу мағынасын білдіреді. 13. ауыспалы мағына. Тамақты ашқарақтана жеу, қомағайлана асау. 14. ауыспалы мағына. Әңгіме айту, зуылдату; көйіту. 15. ауыспалы мағына. Көңіл қалдыру, ренжіту.