КОММУНИСТІК
сын есім. тарихи. советизм. Коммуниске тән, коммуниске қатысты. Коммунистік қоғам. тарихи. Өндіріс құралжабдықтарына меншікті жоққа шығарып, мүлік ортақтығы, әлеуметтік теңдік т. с. с. коммунизм принциптеріне негізделген қоғам. Коммунистік Интернационал. тарихи. Жұмысшылардың халықаралық революцияшыл ұйымы, дүниежүзі коммунистік партияларының бірлестігі. Коммунистік партия. а) Әлемнің бірқатар елдерінде құрылған марксшілсаяси ұйымдардың ортақ атауы. ә) тарихи. советизм. Коммунизм құруды мақсат етіп, марксшіллениншіл ілімді негізге алған, әр тарихи кезеңді айқындайтын бағдарламалары болған, ұйымдық құрылысы жарғысында көрініс тапқан бұрынғы КСРО-дағы билеуші партия. Коммунистік тәрбие. советизм. Социалистік моралъ талаптары рухында берілетін тәлім-тәрбие.