МОРФОЛОГИЯЛЫҚ
сын есім. лингвистикалық. Морфологияға қатысты, соған байланысты. Морфологиялық жылысу. лингвистикалық. Тілдің даму барысында кейбір сөздердің құрамындағы морфемалардың алғашқы жігі өзгеріп, бірінің дыбыстық элементтерінің екіншісіне ығысуы. Морфологиялық көрсеткіш. лингвистикалық. Түбірдің қай сөз табынан, қандай түбір, қосымшадан тұратынын көрсететін жұрнақ, жалғау. Морфологиялық синтез. лингвистикалық. Сөз тұлғасына қосылған қосымшалар негізінде кәсіптік тілдің нақты сөздік формасын құру. Морфологиялық сіңісу. лингвистикалық. Тіліміздегі кейбір сөздердің әуелде қандай бөлшектерден құралғаны бірден аңғарылмайтындай болып кірігіп, бір сөзге айналуы. Морфологиялық талдау. а) лингвистикалық. Сөзді түбір мен қосымшаға, сөз табына, грамматикалық категориясына қарай талдау әдісі. ә) геологиялық. Жер қыртысы қозғалыстарының барысы мен дамуын экзогендік процестерді және қалыптасқан геоморфологиялық құрылысты зерттеу жолымен қалпына келтіру әдісі.