ОШАҚ
зат есім. 1. Үстіне қазан қойып, тамақ пісіруге арналған үш аяқты қоршау темір. 2. Үстіне қазан асып, тамақ пісіретін, тастан, кірпіштен қалап жасалған немесе қазылған орын; жерошақ. 3. ауыспалы мағына. Үй іші, бала-шаға, отбасы. 4. ауыспалы мағына. Бір нәрсенің шоғырланған, қорланған жері. Ошағын талқандады. Ойран салды, қират- ты. Ошағының басы аман. Үй іші, ауылаймағы есен-сау. Ошақ басы [ бұты ]. Үй іші, отбасы. Ошақ бәйгі. жергілікті сөз. а) Той, ас беру кезінде ошақ қазылып болғанша өтетін ат жарыс. ә) Қонақ күні, тойдан бір күн бұрын берілетін бәйге. Ошақ болғыр! қарғыс сөз. Сиыр малына айтылады. Ошақ бұтының қызығы. Отбасы, балашағаның отбасылық тіршіліктің бейнетi мен зейнетi. Ошақ құрды. Үй болды, түтін түтетті. Ошақ соғысы. әскери сөз. көнерген сөз. Алдын ала орнын белгілеп, келісілген соғыс. Ошақтың үш бұты деп отыр. көнерген сөз. Өз үйішінің амандығын тіледі, қамын жеді. Ошақтың үш бұтына берсін! Біреуге кіріптар болмай, іздегені өз үйінен табылсын деген тілексөз. Ошақтың үш бұтынан шықпады. Үй тіршілігін ғана білді. Ошақтың үш бұтындай. а) Бiр жердегi бірбіріне қарама-қарсы орналасқан үшеудей деген мағынада. ә) Отбасындағы, үйдегi үш адамның айнымас татулығы, ауызбіршілігi туралы айтылатын сөзқолданыс. Ошақтың үш бұтының пайдасы. жағымсыз. Жеке бастары мен үй iшінің ғана жағдайы.