КҮШТІ
сын есім. 1. Бойында күші мол, әлді, қуатты, қайратты. 2. Қатты, екпінді, пәрменді, мықты, зор. // Әлді, өктем, дәулетті адам. 3. Берік, нық. 4. ауыспалы мағына. Артықшылығы ерекше, үлгілі, үздік, озық. 5. ауыспалы мағына. Айрықша мол, басым, көп. 6. ауыспалы мағына. Әдемі, әсем шыққан, қатты (үн). 7. ауыспалы мағына. Жедел, тез, күрт, шұғыл. 8. ауыспалы мағына. Сақ, сайлы. 9. ауыспалы мағына. Әсері ерекше, қатты. 10. ауыспалы мағына. Ауыр, қиын, азапты. 11. ауыспалы мағына. Тамаша, керемет. Күшті негіздер. химиялық. Ерітіндіде жоғары диссоциациялану дәрежесін көрсететін негіздер. Күштінің арты тиірмен тартады. Күшті дегенін қылады, қолынан келгенін істейді деген мағынада. Күшті өзара әсер. физикалық. Элементар бөлшектердің төрт іргелі өзара әсерлерінің бірі. Күшті электролиттер. физикалық. Ерітінділердегі электролиттік диссоциациялану дәрежесі бірге тең немесе соған жақын болатын электролиттер.