ТОР
1омоним зат есім. 1. Өрмекшінің айқыш-ұйқыш тоқыған заты, өрмекші шылауы. 2. Жіптен кереге көздендіріп, шаршылап тоқылған зат, ыдыс. 3. Темір кереуеттің керегекөзденіп, шынжырланып тоқылған сымтемірі. 4. Балық, құс аулайтын ау, тұзақ. 5. кен ісі. Електердің, шөктіру машиналарының негізгі бөлшектерінің бірі. 6. Уақытша қамау, темір қоршау. 7. Көптеген спорт түрлерінен (баскетбол, волейбол т.б.) жаттығулар мен жарыстар өткізуге қажетті алаң жабдығының бір бөлігі. 8. ауыспалы мағына. Айла-шарғы, қақпан. 9. ауыспалы мағына. Ой шырмауы, қиялы. Тор астына берілетін су. кен ісі. Шөктіру процесінде камера ішіндегі су деңгейін бір қалыпта ұстау үшін үнемі тор астына беріліп отыратын су. Тор [ шаң ] байланды. Шаң, топырақтардың тозаңы жиналды; кірледi. Тордан өткен материал. кен ісі. Елеу процесінде тордан өткен материал. Тордағы тотыдай. Шарасыз күй кешті деген мағынада; қапаста өмір сүру. Торға түскен торғайдай. Панасыз, қорғаусыз, әлсіз, әрекет етуге мүмкіндігі жоқ, шарасыз халде. Торға түсті. а) Ұсталды, тұтқын болды. ә) Еркінен айырылды, кіріптар болды, қамауға алынды. Тор етістік. Шақпақ ет, төрт сабақты бұлшық етістік. Тор етінен арылды. Жүдеді, арықтады, таралды. Тор жайды. а) Балық аулау үшін ау құрды. ә) Қолға түсіруге әрекеттенді, айла-шарғы істеді. Тор жасады [ құрды ]. Қастықпен тосқауыл, кедергі, бөгет болды. Тор көз. Кереге көздендіріп жасалған. Тор терезе. Тор көзді терезе. Тор үстіндегі материал. кен ісі. Елеу процесінде тордан өтпей, оның үстінде қалатын материал. Тор қоршау. Бірнеше бөлімнен тұратын, терісі бағалы аңдар, қоян, жабайы аң, құс, ит ұсталатын қоршау. Тор құрды. Тосқауыл жасады, кедергі, бөгет болды. Тор шаш. поэтикалық. Қалың жайылған шаш.