ИЫҚ
1омоним зат есім. 1. анатомиялық. Адамның әртүрлі сүйектерден, буыннан, бұлшық ет жүйесінен тұратын мойыннан қолға дейінгі бөлігі. 2. Адамның мойыннан қолға дейінгі бөлігі. 3. сөйлеу. Бұғана. 4. Жең түбінің үстіңгі жағы, киімнің иіні. 5. ауыспалы мағына. Бір нәрсенің жотасы, қыры, биіктеу жері. 6. Орындық, диван т.б. сияқтылардың арқалығының ұшы. Иығы асты. Еңсесі биіктеді, тұлғасы зор көрінді. Иығына асылды. Еркеледі, назданды. Иығы биіктедi. Иығы көтерілдi. Иығы босады. Демалды, бір істің соңына жетіп тынықты. Иығы бүтінделді. Тәуір киінді, киімі түзелді. Иығы жауыр болды. Әбден әбігерленді, қажыды, бейнет өтіп кетті. Иығы көтерілді. Мерейі өсті, мәз болды. Иығына жапты. Бағалы киім кигізді, сый берді. Иығына мініп алды. Еңсесін көтертпеді. Иығынан жүк түсіргендей. Босаңсытып, дамыл бергендей. Иығынан күлді. жергілікті сөз. Миығынан күлді. Иығынан түспеді. Мойнына мініп алды, ығыр қылды, шаршатты. Иығымен көтерді. Ауыртпалығын көрді. Иығына шықты. Басынды, басакөктеп биледі. Иығына ілді. Сырт киім киді, жамылды. Иығына салды. Орамал, шәлі сияқты т.б. нәрсені арқасына жамылды. Иығына су кетті. Еңсесі түсті, салы суға кетті. Иығы салбырады. Жүні жығылды, еңсесі түсті. Иығы тең. Терезесі тең; ешкімнен кем емес. Иығы түсті. Ұнжырғасы түсті; қамықты, жасыды. Иықта шаш. поэтикалық. Мойнынан кеудесіне түскен қыздың қолаң шашы, бұрымы. Иығын қиқаң еткізді. Келіспегендік қимыл ишарасын білдірді. Иығын қомдады. а) Иығын көтерді, ілгері қарай қозғады. ә) Түсінбегендік, білмегендік кейіп білдірді; иығын қиқаң еткізді. Иығын шаруа езді. Шаруаға жегілді, жұмысбасты болды. Иық буыны. анатомиялық. Жауырын мен тоқпақ жіліктің астасқан жері; иін. Иық көрсетті. Кеуде көтерді, күш көрсетті. Иық көтеру. Теңдікке қолы жету. Иық қомдасты. Түсінбегендік кейіп білдірісті, аңтарысып қалды. Иық сүйесті. Селбесіп, бір-біріне көмектесті. Иық сүйесіп, күн көрді. Селбесіп бір-біріне көмектесті. Иықты қомпаң еткізді. Екі иықты көтеріп, білмейтін ишарат білдіреді. Иықты [ иығын ] қиқаңдатты. а) Аңтарылғанды, не істерін білмей сасып қалғанды білдіретін қимыл ишаратын жасады. ә) Білмейтін, менің мұнда қатысым жоқ немесе келіспеймін дегенді білдіретін қимыл ишаратын жасады. б) Өзіне назар аудару үшін иығын қозғалтып, қимыл ишаратын жасады. Иық теңесті [ теңестірді ]. Күш салыстырды, бәсекелесті. Иық түйістірді [ тірестірді ]. Қатарласып жүрді, жұбын жазбады. Иықты қомпаң еткізді. Екі иықты көтеріп, білмейтін ишарат білдіреді. Иықты [ иығын ] қиқаңдатты. а) Аңтарылғанды, не істерін білмей сасып қалғанды білдіретін қимыл ишаратын жасады. ә) Білмейтін, менің мұнда қатысым жоқ немесе келіспеймін дегенді білдіретін қимыл ишаратын жасады. б) Өзіне назар аудару үшін иығын қозғалтып, қимыл ишаратын жасады. Иығы тартты. Халықтың нанымсенімі бойынша алыстан сағынып күткен кісі, я бір белгісіз қонақ келе жатса, не болмаса қымбат киім киер болса, иығы тартады деген ұғымға байланысты айтылады. Иық тіресті. а) Иықтасып, қатар отырды. ә) Күш қосты, бірікті. б) Теңесті, тең түсті.