ЖАУЫР
зат есім. 1. Ердің, ершіктің батуынан болатын көлік арқасындағы жарақат. 2. ауыспалы мағына. Арық, әбден титықтаған күш көлігі (жылқы малы). Жауыр ат. Арқасы жауыр болып арықтаған, әбден титықтаған ат. Жауыр болған. Ығыр еткен, мезі қылған, күйі кеткен. Жауыр болды. а) Арқасы жарақаттанды, жара болды. ә) Мезi қылды, таптаурын еттi. Жауырды жаба тоқыды. Жасырып жапты, сыртқа шығармады, сыр білдірмеді. Жауыр етті [ қылды ]. а) Аттың арқасын жаралады, жарақаттады. ә) ауыспалы мағына. Мезі етті, ығыр қылды. Жауыр құйрық. Бейнетті көп көрген (адам, мал). Жауыр сөз. Жиі айтылатын, жаттанды.