СЫЙ
зат есім. 1. Несібе, ырыздық. 2. Түрлі жағдай, себептерге байланысты берілетін сыйлық, тарту. 3. ауыспалы мағына. Сыбаға, үлес. 4. Сыйластық, құрмет, қошемет. 5. ауыспалы мағына. ақсы мінез, жақсы қылық. 6. ауыспалы мағына. Жақсылық, жайлылық. 7. ауыспалы мағына. Көмек, жәрдем. Сыйға алды. Тарту ретінде ие болды. Сыйға – сый [ сыраға – бал ]. Жақсылыққа жақсылық, сыйластықтың да өзіне лайық қайтарымы бар, құрметке құрмет деген мағынада. Сыйға [ сый орнына ] тартты. Сыйлап берді, сыйлық ретінде тарту етті. Сыйға тарту. құқы қ. Бір тұлғаның өзіне тиесілі мүліктік құндылықтарды екінші бір тұлғаның меншігіне қайтарусыз беруі. Сый етті [ қылды ]. Тарту етті, сыйлады. Сый көрді. а) Сый ретінде қабылдады. ә) Зор қошеметке ие болды. Сый көрсетті. Қошеметтеді, сыйлады. Сый қонақ. Қадірлі, құрметті мейман. Сыйы өткендік. Беделі артушылық, қадірі асқандық.