ІЛГЕРІ
үстеу. 1. Алға, алдыңғы жаққа. 2. Озық, алдыңғы қатарда. 3. Алға қарай. 4. Болашаққа, алдағы өмірге. 5. Артық. 6. жергілікті сөз. Бұрын, ертерек. ілгері басқан аяғы кейін кетті. ісі оңалмады, ісін қырсық шалды. ілгері басқанның иті оттайды. Бағы жүріп, дәулеті асқан кісінің барлық ісі сәтті болады, бар дүниесінің оралымы кеп тұрады. Ілгерi басты. а) Алға басты, жылжыды, iлгеріледi. ә) Дамыды, жетілдi, өркендедi. ілгері бастырды. Алға шығарды, дамытты. ілгері басу. кітабистиль. Даму, жетілу. ілгері көз салды. Болашақты бағдарлады.