ЖАУЫРЫН
зат есім. 1. анатомиялық. Жоғарғы жағы тоқпан жілікпен жалғасып тұратын, үш бұрыш пішінді қалақша сүйек. 2. ауыспалы мағына. Киімнің жауырын тұсының атауы. Жауырын бауыздауы. Жауырын сүйектің жалпақ тұсы мен басы аралағындағы бөлігі. Жауырынды сөкті. Қолы түскен, иығына ауыр соққы тиген не ауыр жүк артудан болған (ақсаған) қатерлі кінәраттарды емдеу тәсілі. Жауырын жолын ашу. Ас, тағам мәдениетіндегі рәсім. Жауырын қазаны. Жауырын сүйектің бөлігі. Жауырын қарады. этнографиялық. Жауырынға қарап бал ашты, сәуегейлік жасады. Жауырыннан жел өтті. Азап, бейнет көрді. Жауырын ойысы. Жауырын сүйектің бөлігі. Жауырын шеміршегі. Малдың жауырын сүйегінің етегіндегі жалғасқан шеміршек. Жауырыны [ иықтары ] бүлкілдедi. бейнелі сөзқолданыс. Әйелдің иықтары мен жауырынын қозғалтқанда бұлшық еттерi ойнады деген мағынада. Жауырыны жерге тимеген. Ешқашан жығылмаған, күшті, балуан. Жауырыны қақпақтай. Денелі, иықты, қапсағай (адам). Жауырынынан қақты. Арқасынан қағып, ризашылық білдірді, мақтады, мадақтады. Жауырынына таңды. Жауырынына байлады.