ТЕСІК
зат есім. жергілікті сөз. Тесік ожау, нан сүзгіш.
Значение слова
ТЕСІК
сын есім. 1. Тесігі бар, тесілген, тесіліп қалған. 2. Тесілген жер, қуыс, саңылау. 3. ауыспалы мағына. Кем-кетік, ақау. 4. бейн е. Кемшілігі аздау адам. Тесігі бітелмеді. Жоғы түгенделмеді, ісі реттелмеді. Тесік ен. кәс. Қойдың екі жақ құлағының ортасынан дөңгелектей кесіліп салынған белгі. Тесік моншақ жерде қалмас. а) Асыл зат жерде жатып қалмайды, керексіз болып қалып қоймайды деген мағынада. ә) Күндердің күнінде бағы ашылады, тұрмыс құрады деген мағынада көбіне әйел адамға қатысты айтылатын сөз қолданыс. Тесік өкпе. Қиыншылықты көп көрген, көнбіс. Тесік таба алмады. Жолын, ретін таба алмады. Тесік тиын қалмады. Түк жоқ, еш нәрсе қалмады деген мағынада. Тесік тілік. Қойға ен салғанда екі құлағының бір жақ ұшынан тілік, екінші жақ құлағының ортасынан оя кесіліп салынған белгі. Тесіктер саны. химиялық. Елеуге арналған тор көздегі бір сызықтық дюймге сай келетін тесіктер саны.