ЗАТТАЙ
сын есім. 1. Зат сияқты. 2. Зат түрінде; ақшалай емес. Заттай дәлелдеме. заң. Қылмыстық іс жүргізуде – қылмыс құралдары ретінде пайдаланылған не қылмыстың ізі сақталған немесе қылмыстық әрекеттердің нысандары болған заттар, қылмыстық жолмен жиналған ақша және өзгедей құндылықтар; қылмысты табуға, нақты мәнжайларды анықтауға, кінәлілерді табуға не айыптауды жоққа шығаруға немесе жауаптылықты жеңілдетуге құрал болуы мүмкін басқа да заттар. Заттай мүлік. әскери сөз. Жеке қолданымдық (нысанды киім, жабдық заттары, айырым белгілері және тағы басқа.) мүкәммалдық (ТӨСЕК-ОРЫН жабдықтары, десанттық және ұшқыштехникалық киім-кешек, арнайы және жылы киім, шатырлар және тағы басқа.), арнайы мақсаттарға арналған күнделікті жабдықтар, жинақ қоры және жұмсалмайтын қор, заттық мүліктер.