ГЕОМЕТРИЯЛЫҚ
сын есім. математикалық. Геометрияға тән қасиет. Геометриялық дене. математикалық. Шар, пирамида сияқты заттар. Геометриялық изомерия. химиялық. Кіші циклдің және қос байланыстың айналасында пайда болатын диастеромерия. Геометриялық оптика. математикалық. Оптиканың жарықты геометриялық сызық ретінде қарастыра отырып, жарықтың таралу заңдарын зерттейтін бөлігi. Геометриялық оюлар. өнертану. Түрлi бұйымдар мен құрылыстарды әшекейлеу әдісінің геометриялық элементтерге негізделген түрi. Геометриялық прогрессия. математикалық. Әрбір мүшесi алдыңғы мүшесінен қандай да бір еселік деп аталатын тұрақты санға көбейтуден шығатын сан қатары. Геометриялық пішін [ фигура ] математикалық. Үшбұрыш, квадрат, конус сияқты геометриялық сызбалар.