БАЛЫҚ
1омоним зат есім. зоологиялық. Суда өмір сүріп, желбезекпен дем алатын, омыртқалылар тобындағы су жануары. Балығы тайдай тулаған, бақасы қойдай шулаған. поэтикалық. Шулы (өзен, көл). Балық аулады. Аумен, қармақпен балық ұстады. Балық аулау. ауылшаруашылық. Халық шаруашылығының балық және теңіз аңдарын аулайтын саласы. Балық жарушы. Балықтың ішін ақтарып, тазартушы. Балық жемi. Балық тіршілігіне қажеттi табиғи немесе қолдан жасалған қорек. Балық жылы. Ескіше жыл аты; ұлу. Балық қуырдағы. тамақ өнеркəсібі. Шортан, алабұға, жайын, қызыл балық сияқты ірі балықтардың ішкі құрылысын алып тастап, турап, өз майына қуырылатын тағам. Балық майы. Нәлім тұқымдастарына жататын балықтардың бауырынан алынған, құрамында А, D витаминi көп, кішкентай балаларды итаурудан сақтау, емдеу үшін берілетін май. Балық өңдеу. к өсімдік. Балықты сақтау және балықтан дайын өнім алу жұмыстарының жиынтығы. Балық өсіретін зауыт. Кәсіптік балықтарды жасанды түрде көбейтумен айналысатын кәсіпорын. Балық өсіру шаруашылығы. кәс. Балықты өсіріп, аулап, өңдеумен шұғылданатын шаруашылық саласы. Балық сорпасы. Балықты асып, iшіне пияз, картоп сәбіз т.б. заттар салып дайындалатын сорпа. Балық сүбесi. Терісінен, сүйектерi мен қылтанақтарынан тазартылған балық етi. Балық сүздi. Аумен балық ұстады. Балық тағамдары. Жас және кепкен балықтардан қайнатып пісірілген, қуырылған, бұқтырылған, сондай-ақ көміп пісірілген тағам түрлерi. Балық торы. Семіз, жұмыр (ат). Балық ұны. Балықтан, оның сүйегінен химиялық тәсілмен алынған минералдық зат есім. Балық ыстау. Балықтарды аспаға iліп, түтінге ыстау.