ТҰЗАҚ
1омоним зат есім. Әртүрлі құс, қоян ұстау үшін, қылдан есіп жасалатын аңшы құралы. Тұзағына іліндірді. Шырмауына түсірді. Тұзаққа түсті [ ілінді ]. а) Тұзаққа ілініп қалды. ә) Алдауға түсті, ұсталды. Тұзақ құрды. а) Құстың қонатын, жүретін жеріне тұзақ байлады. ә) Айла, амал жасады, пәле ойлады. Тұзақ салды. а) Аң, құсты қолға түсіру үшін құрылатын қақпан құрды, жіптен тор құрды. ә) Дарға асу үшін қолданылатын, шеңбер түрінде байланған жіпті жазаланушының мойнына кигізді. б) Дарға асты, өлтірді. Тұзақ үзген [ тұзақ үзген ала аяқ ]. Ала бөтен бұзық, зұлым адам.