БЕЗ
зат есім. 1. анатомиялық. Адамның, жануардың ағзасында болатын, оның зат алмасуын реттейтін мүше. 2. саятшылық. Бүркіт табанындағы, тұяқ көбесінің астындағы емшек сияқты iрілi-ұсақты түйін, түйнек. 3. ауыспалы мағына. Ағаштың шор жерi, берішi. 4. ауыспалы мағына. Іске пайдасыз, қажетсіз, жарамсыз нәрсе. Без ожау. этнографиялық. Ағаштың беріштi жерінен, безінен жасалған ожау. Без түйінi. медициналық. Емшек, бауыр, бүйрек, аналық, қуық түбi және тағы басқа. бездерде өсетін және солардың тканьдерінен тұратын қатерсіз түйін. Без шошыды. Без қабынып, iсіндi.