СИЫР
зат есім. 1. Аша тұяқты, мүйізді ірі қара мал; төрт түліктің бірі. 2. Осы түліктің ұрғашысы, аналығы. Сиыр бүйрек. Бөлек-бөлек болып жатқан. Сиыр егіз тапты. этнографиялық. Сиыр әдеттегідей жалқы бұзауламады [ cиыр егіз тапқанын қазақ жақсы ырымға санамайды. Егіз бұзаудың бірін бөтен біреуге беріп жібереді ]. Сиыр еті. Сиыр ұшасы. Сиыр жорға. Сиыр жүрісті, ірі, тарпаң жорға. Сиырдың бүйрегіндей бытырады [ бөлшектенді ]. Тоз-тоз болып, жанжаққа тарады, берекесі кетті; басы қосылмады. Сиырдың бүйрегіндей бытырау. Бет-бетіне, жанжаққа тарап кетуi; басы қосылмауы, берекесi кету. Сиырдың жорғасы секілденді. кекесін. Еп қуып, майда жүріске салды. Сиыр жылы. Уақытты он екі мүшел жыл жүйесімен есептеудің тышқан жылынан кейін, барыс жылынан бұрын келетін екінші жылы. Сиыр қашып кетті. сөйлеу. Бұқаға түсіп кетті немесе бұқаға түсіп, тоқтап кетті. Сиыр қора. Сиыр тұратын, сиыр қамайтын қора. Сиыр мінез. Сүйкімсіз қылық (көрінген нәрсеге орынсыз соқтыққанда айтылады). Сиыр өсіру. малш а р. Мүйізді ірі қара шаруашылығы, малшаруашылығының басты салаларының бірі. Сиыр сәске [ түс ]. а) Түс болуға таянған мезгілді білдіретін халықтық өлшем. ә) Күн енді ғана арқан бойы көтерілген кез. Сиыр соқпағы. а) Шағындау, аса ұзақ емес жол. Сиыр тектес. Жөнімен сөйлемейтін, қисық, қыңыр. Сиыр түс. Ерте сәскеден кейінгі түс болуға таянған шақ. Сиыр тілді. Ретсіз, жөнсіз, артық сөйлейтін (адам). Сиыр ферма. малшаруашылық. Сиыр бағу, ет, сүт өнімдерін берумен айналысатын сауыншылары мен бақташылары болатын ферма.