ҚАЙМАҚ
зат есім. 1. Сүттің бетіне жиналған майлы қабаты. 2. ауыспалы мағына. Көптің ішіндегі бетке ұстары, таңдаулысы. // Қаймақы, жұп-жұқа. Қаймағы бұзылмады. а) Тұтасып тұрды, сейілмедi, ыдырамады. ә) Шашау шықпады, шашылмады. б) Бүлінбедi, тиіспедi, ешкім тимедi. в) Ынтымағы жарасты, ауызбірлігi берік болды. Қаймағын бұзбай сақтады. Сол күйi қалдырды, ешбір өзгертпей, тиіспей сол күйi сақтады. Қаймағын бұзды. Бүлік салды, тыныштығын алды, ауызбірлігіне зиян келтірдi. Қаймақ ауыз. Сүйкімді, ерні қаймыжықтай жұқа ауыз. Қаймақ қатты. Майға т.б. қаймақ қосты.