БИЕ
зат есім. Құлындайтын жылқының бес жасқа толған аналығы. Бие байлады. Қымыз ашыту үшін желіге құлын байлап, бие сауды. Бие байлатты. Қымыз ашыту үшін желіге құлын байлатты, бие сауғызды. Биеге iш тастаттырмады. Құлынын түсіртпедi, төлдi мерзімінен бұрын тудырмады, баптап күттi. Бие құлын тастады. Бие құлынды мерзімінен бұрын өлi туды. Бие қысырады. Бие қысыр қалды, төлдемедi. Биенi ағытты. Желідегi биенi босатты. Биенi бүгімен [ түгімен ], түйенi түгімен [ жүгімен ] жұтты [ жедi ]. Ашкөздендi, қанағат етпедi, жебір, парақор болды. Биенi жебей сауды. Биенi жеделдете, жиілете сауды. Бие сауу. этнографиялық. Биебайлар. Биенi идірдi. Бие желініне жиналған сүттi сауу үшін құлын салып, еміренттi. Биенің бір сауымы [ сауыны ]. Бие саууға жұмсалған уақыт, мерзім шамасында. Биенің екi иінi. Биенi екi саууға кететін уақыт, 40 минут. Биенің екi сауымындай. Биенi екi саууға кететін уақыттай мерзім. Биенi тиектедi. жергілікті сөз. Биенi тұсады. Бие саумал, сүтқымыз. Әлi ашымаған, саумал күйіндегi, сүт татып тұрған қымыз. Бие сауымдай. Бие саууға кететін уақыттай. Бие тоқтады. Бие айғырдан шығып, күйлеуi басылды. Бие ұстаудан қолы үзілдi. Бие байламайтын болды, биенi күте алмады. Бие iштi болды. Бие төлдi болды, жиi төлдедi.