ТҰР
= етістік. 1. Аяғын тік басып, бір орында болу. 2. Отырған орнынан көтерілу. 3. Белгілі бір жерді мекендеу, өмір сүру; болу. 4. Ұйқыдан оянып, төсегінен басын көтеру. 5. Белгілі бір сөздермен тіркесіп келіп, түзілу, жасалу, құралу мағыналарын білдіреді. 6. Кейбір сөздермен тіркесе айтылып орналасу, жайласу мағынасын білдіреді. 7. Күрделі етістік құрамында жұмсалып, осы, нақ осы шақтағы істің күйін, жайын білдіреді. 8. Бөгелу, тоқтау, кідіру. 9. Болу, бар болу. 10. Қозғалысты тоқтатуға берілетін пәрмен. Тұра қашты. а) Бірден қаша жөнелдi. ә) Безіп кеттi, алдыартына қарамады. Тұра тұр, бәлем. сөйлеу. экспрессивті. Осыдан қара да тұр, әлi көресінi көресің деген мағынада.