СОҚЫР
сын есім. 1. Көру қабілетінен айырылған, жанары жоқ. 2. ауыспалы мағына. Білігі жоқ, парасатсыз. 3. ауыспалы мағына. Білімсіз, надан, топас. Соқыр аңғар. су шаруашылық. Өзгe аңғаpғa нeмeсe су қабылдаy алабынa шықпайтын (жeтпeйтін) cағасы жоқ аңғаp. Соқыр атырау. су шаруашылық. Ауа райы қуаң шөл жәнe шөлeйт аудандаpдағы өзeндepдің тeңізгe, көлгe нeмeсe басқa өзeнгe жeтпeй cуалып жоғалуы. Соқырға таяқ ұстатқандай. Айдан анық, айқын; өте ұғымды. Соқыр дақ. анатомиялық. Көз алмасының ішкі торлы қабығының артқы жағындағы көру жүйкесі шығатын аймақ. Соқырдың тілегені – екі көзі. Әркімнің көксегені өз мұқтажы деген мағынада. Соқыр жармақ. поэтикалық. Соқыр тиын. Соқыр жол [ соқпақ ]. Қайда барары, тірелер жері белгісіз сүрлеу. Соқыр кеуде. Оқымаған, қараңғы адам. Соқыр көргенінен жазбас. Ұстағанынан айырылмайды деген мағынада (қыңыр, топас адамдарға айтылады). Соқыр құдық. Ескі құдық. Соқыр наным. Қараңғы дүниетаным, фанатизм. Соқыр нүкте. анатомиялық. Жарыққа сезімтал емес торлы қабықтағы кішкене дақ, бұл көз алмасынан шығатын жүйке талшықтарының көру жүйкесін түзетін нүктесі. Соқыр сезім. а) Ақыл таразасына түспеген, ақыл билігінен шығып кеткен көңіл күй. ә) Белгілі бір ғылыми дәлелге сүйенбеген наным. б) Санасыз, қараңғылық; жоққа сену, иланушылық. Соқыр сезім. бейнелі сөзқолданыс. Ақыл таразысына түспеген, негізі жоқ наным. Соқыр соқпақ. жергілікті сөз. Көмескі жіңішке жол. Соқыр тауыққа бәрі бірдей [ бидай, тары ]. Білмегенге бәрі бірдей; білмегенге аққарасы бәрібір деген мағынада. Соқыр тиын бермеді. Түк бермеді, ештеңе татырмады. Соқыр тиынға керегі жоқ [ тұрмайды ]. Түкке жарамайды, татымы, құны жоқ. Соқыр тиын сұрамады. Ештеңе сұрамады, ештеңе талап етпеді. Соқыр тұман. Көзге түртсе, көрінбейтін қалың тұман. Соқыр шам. Сыртында шишасы жоқ, білтемен ғана жанып тұрған шам.