НҮКТЕ
зат есім. 1. Кішкентай ғана қара дақ, ноқат. 2. лингвистикалық. Ойдың аяқталғандығын білдіру үшін сөйлем соңына қойылатын тыныс белгісі. 3. матем. Геометрияның жүйелі түрде баяндалуындағы негізгі ұғымдардың бірі. 4. Орын, мекенжай, елді мекен. 5. информатикалық. Экран бетіндегі немесе параққа басылған графикалық кескіннің бағдарлама бойынша түсі өзгертіле алатын ең кіші элементі. Нүкте қойды. а) Бітірді, істі тамамдап шықты, аяқтады. ә) Үзді, кесіп тастады, тоқтатты. б) Доғарды, шектеді, тыйып тастады. Нүктесін қалдырма. Түгел қамты, еш нәрсесін қалдырма.