WONDER WORDS · Казахский язык

шам

Значение слова

ШАМ

1омоним [ араб тілі. ] зат есім. 1. Маймен жанатын шынысыз, жайдақ яки шыны салынған жарық беретін құрал, шырақ. 2. Қараңғыда үй ішін, көшені жарық қылатын әртүрлі құрылғылардың жалпы атауы. 3. ауыспалы мағына. Жерге жарық беріп тұратын аспан денелері (жұлдыз, күн, ай). 4. ауыспалы мағына. Тірек, сүйеніш, медеу. Шамды бұқтырды. Шамның білтесін бастырды, жарығын азайтты, сығырайтып қойды. Шам етті. Жарық етті, жарқыратты. Шам жақты. Жарық жандырды. Шам жамырады. Күн ұясына кіріп, қас қарайды. Шамы сөнді [ өшті ]. а) Ұйықтады, ұйқыға кетті. ә) Өмірден өтті, қайтыс болды.

ШАМ

2омоним зат есім. физикалық. Жарық күші бірлігінің ескірген атауы [ Бірліктердің халықаралық жүйелерінде (СИ жүйесі) бұл бірліктің орнына кандела алынады ].

ШАМ

3омоним зат есім. Ар-ұят, намыс. Шам алды. Шамданды, көңілге дық санады. Шам алмады. Көңіліне алмады, шамданбады, ренжімеді. Шам көрді [ алды ]. Намыстанды, жақтыр мады, көңіліне алды. Шам шығарды. Ашу шақырды, тулады. Шамына тиді. Арұятына кір келтірді, намысына тиді.