ҚҰРЛЫҚ
зат есім. 1. географиялық. Жер қабығының дүниежүзілік мұхит деңгейінен көтеріңкі ірі бөлігі. 2. Белгілі бір құрлықта орналасқан ел, мемлекет. 3. Суы жоқ, құрғақ жер. Құрлық әскерлері. әскери сөз. Құрлықта ұрыс қимылдарын жүргізуге арналған Қарулы Күштердің түрі. Құрлық гидрологиясы. су шаруашылық. Құрлықтар шегінде өтетін гидрологиялық процестерді су оралымының (цикл) құрлықтық фазасы негізінде зерттейтін гидрология ғылымының бір саласы. Құрлық өсімдігі. ботаникалық. Құрлықта өсіпөнетін өсімдік. Құрлық суы. Өзендерде, көлдерде, бөгендерде, батпақтарда, мұздықтарда, сондай-ақ жер астында жинақталған (негізінен тұщы) сулар. Құрлықтың орташа биіктігі. Теңіз деңгейінен есептегендегі 875 м биіктікке сәйкес келетін көрсеткіш. Құрлықтың төмендеуі. геологиялық. Континенттер немесе олардың жекелеген аймақтары деңгейінің тектоникалық қозғалыстар әсерінен төмендеуі. Құрлықтың ылғалдануы. Аумаққа жауған жауын-шашын мөлшері мен осы аумақтың булануы шамасы (немесе температура) аралығындағы қатынас.