САУЫТТЫ
сын есім. Сауыты бар, сауыт киген. // Сауыт киген батыр. Сауытты автомобиль. әскери сөз. Қарсыластың тірі күшін және атыс құралдарын жоюға, байланыс жүргізуге, әскери қорғауға, барлауға арналған сырты сауытталған доңғалақты мәшине. Сауытты аңдар. зоологиялық. Денесінің арқа жағы сүйекті, ал оның сырты мүйізді сауытты қалқанмен қапталған мүктүсті сүтқоректі жануарлар тұқымдасы. Сауытты катер. әскери сөз. Теңіз, өзен жағалау ларында әрекет жасауға арналған, сауытталған шағын кеме. Сауытты кеме. әскери сөз. Мықты сауытталған және қуатты артиллериямен қаруланған, XІX ғасырдың екінші жартысы ХХ ғасырдың басындағы негізгі ұрыс кемесі. Сауытты қалпақ. әскери сөз. Ұрыс жүргізу және бақылау үшін қолданылатын атыс ойығы мен саңылаулары бар мұнара типтес формалы құрылғы. Сауытты қолтырауындар. зоологиялық. Қолтырауындардың аллигаторлар тұқымдасының үш туысының жиынтық атауы. Сауытты мұнара. әскери сөз. Танкілерде, жаяу әскер ұрыс мәшинелерінде, сауытты транспортерлерде, кемелерде және фортификациялық құрылымдарда жеке құрамды қорғау үшін орна тылған жабық сауытты конструкция. Сауытты пойыз. әскери сөз. Сырты сауытталған (оқтар мен жарыншақтан сақтану үшін) және қаруланған жылжымалы теміржол құрамы. Сауытты танк әскерлері. әскери сөз. Негізгі күші сауытты танкілер болып табылатын қазіргі кездегі армияның құрлықтағы әскерлерінің бір тү рі; танкілер. Сауытты танк дивизиясы. әскери сөз. АҚШ, Англия, Франция және бірқатар басқа мемлекеттер армиясындағы жалпы әскери құрама. Сауытты танк қаружарағы. әскери сөз. Сауытты танк техникасының мәшинелеріне қондырылатын аспаптар мен автоматтық жүйелер, жою құралдары кешені. Сауытты танк техникасы. әскери сөз. Сауыт қорғанышы бар, түрлі ұрыс мәшинелерінен тұратын әскери техника.