ҚАРСЫ
үстеу. 1. Қарама-қарсы жақ. 2. Жүзбе-жүз, бетпе-бет, тура. 3. Белгілі бір ісәрекетке наразылық білдіру, қарсылық ету; қайшы келу. 4. Барыс жалғаулы сөздермен тіркесіп келіп, ісәрекеттің, қимылдың бір нәрсеге қарай бағытталғанын білдіреді. 5. Барыс жалғаулы сөздермен тіркесіп келіп, “қарай”, “қарсаң” сөздерінің мағынасын береді. Қарсы айдап салды. Біреумен біреуді егестірді, қастастырды. Қарсы алды. а) Тура алды, маңдай алды. ә) Біреуді тосып алды, күтіп алды. б) Қабыл алды, құптады, мақұлдады. в) Құрмет көрсеттi, бар мәзірін жасап күттi. Қарсы алдынан ату. ә с к. Бетпе-бет атыс; зеңбірекпен немесе атыс қаруынан қарсы бағыттағы нысанаға тура ату. Қарсы алдында. Дәл алдында; есік көзінде. Қарсы амал. спорт. Қарсыласы жасаған әдіске жауап қайтаратын амал. Қарсы әрекеттік күш. ә с к. Қарсыластың әскери күшіне, командалық постыларына және басқа да әскери нысаналарына қарсы бағытталған әскери стратегия, шабуыл немесе қару. Қарсы беттегі сызық. Спорт алаңындағы, қарама-қарсы жақтағы сызық бөлігі. Қарсы бұтақ. этнографиялық. Жат ру, бір атадан тарамаған ұрпақ. Қарсы дайындық. ә с к. Қарсыластың шабуылға дайындалған басты күштерін қорғанушы жақ ракета әскерлерінің, артиллериясының, авиациясының жаппай атуы, жаппай соққысы. Қарсы дау. Қарсы айтылатын дау, талас. Қарсы дәлел. Қарсы жаққа айтылатын айғақты сөз. Қарсы доға. спорт. Әр бағыттағы доғамен жүрудің екі қосылымы. Қарсы жауап. спорт. Қарсыласының шабуылынан қорғанғаннан кейін оған қарсы шабуылмен жауап қайтару. Қарсы жүрді. а) Жүрген бағытқа қарсы қозғалды. ә) Қарсы алдынан шықты, қарсы алды. Қарсы кедергі. Тау беткейінде анық байқалмайтын тік қабырға. Қарсы келді. а) Қарсыласты, таласты. ә) Талас тудырды, қарсыласты. Қарсы қойды. Егестірді, қастастырды, өштестірді, жауластырды. Қарсы құда. этнографиялық. Екі жағы қарама-қарсы қыз берісіп, қыз алысқан құдалар. Қарсы құтыртушылар. сөйлеу. Қарсы қоюшылар. Қарсы партия. спорт. Ұтқан партияларының саны бірдей болған жағдайда қарсыластардың арасында өтетін шешуші кездесу. Қарсы соққы. а) ә с к. Әскерлердің қорғаныс ұрыстарының барысында қорғаныс шебіне басакөктеп енген немесе шепті бұзып өткен қарсылас тобына тұтқиылдан беретін соққысы. ә) спорт. Қарсыласы шабуыл жасаған сәтте не оның шабуылынан кейін іле-шала жасалатын жауап соққы. Қарсы соққы беру. спорт. Қарсылас шабуылының алдын алатын соққы. Қарсы тұрды. Қарсылық көрсетті, бой бермеді, беттетпеді. Қарсы шабуыл. а) ә с к. Қорғаныстағы әскерлердің шепті бұза киліккен қарсыласты талқандау және бұрынғы тактикалық жағдайын қалпына келтіру мақсатын көздеп, қарсылас әскерлеріне қарсы жүргізген шабуылы. ә) спорт. Қарсыластың шабуылына сол бойда кідірмей жауап қайтару. Қарсы шабуылдаушы боксшы. спорт. Қарсыласының қателіктерін шебер пайдаланып, оның шабуылдарын алдап өтіп, қарсы, жауап соққылар жасайтын өте шапшаң, әдісқой спортшы. Қарсы шабуыл жасау. спорт. Қарсыластың шабуылына тойтарыс бергеннен кейін тез жасалатын, қарсы жақ күтпеген жағдайда қорғаныстан қарымта шабуылға көшу. Қарсы шығысты. Кездесті, бетпе-бет келді. Қарсы шықты. а) Алдынан шығып күтіп алды. ә) Қайшы келді, қолдамады. б) Қарсы тұрды, қарсыласты.