ФАЙЛ
[ ағылшын тілі. fіlе ] зат есім. 1. информатикалық. Сыртқы жад құрылғыларында орналасатын және жеткізу мен өңдеу кезінде бөлінбейтін, біртұтас қарастырылатын жазбалар тізбегі; белгілі бір атаумен аталып, реттеліп жазылған байттар тізбегі. 2. Атау беруге болатын құжат немесе қолданбалы программа. Файлдар каталогы. информатикалық. Файлдың атауы, типі, көлемі, орналасуы мен даярланған немесе соңғы өзгертілген уақыты туралы ақпаратты сақтайтын каталог. Файлдарды көшіру. информатикалық. Операциялық жүйенің стандартты құралдарымен жасақталатын сыртқы құрылғылардың арасында файлдар алмасу процедурасы. Файлды ашу. информатикалық. < ағылшын тілі. fіle оpenіng> Файлдың қолайлылығын тексеру жөне жазбаларды енгізу-шығару үшін негізгі жадта буфер бөлу, сыртқы жадтағы файлдың тұрған орнын анықтау, мәліметтерді басқару блогын басқарушы ақпараттармен ақтық толықтыру процедурасы. Файлды бұғаттау. информатикалық. Файлға жазылған мәліметті өзгертуге мүмкіндік бермейтін әрекет. Файлды даярлау. информатикалық. Сыртқы жадты бөлуді, файл ентаңбасын дайындауды және оған жазбаларды жүктеуді қамтитын операциялар кешені. Файлды жабу. информатикалық. Бағдарламаның файлмен жұмысты аяқтау операциясы. Файлды иемдену. информатикалық. Көпесепті жүйеде немесе жергілікті желілерде файлдық жүйенің беріктігін арттыру құралы.