ЖЕ
= етістік. 1. Тамақтану, қоректену, ауқаттану. 2. Жеп қою, қылғыту. 3. Шірітіп жіберу, тот басу, бүлдіру, бұзу. 4. ауыспалы мағына. Алдау, арбау, еңбегін пайдалану, пайда түсіру. 5. ауыспалы мағына. Іштей күйзелу, өзін-өзі қажау. Жегенің ас болмағыр! қарғыс сөз. Жеген асың бойыңа тарамасын. Жегенің желкеңнен шықсын! қарғыс сөз. Алғаның бұйырмасын, сіңбесін!Жеп жібере жаздады. Тесіле қарады, ала көзбен атты. Жеп жіберердей. Алая қарады, тесіле қарады. Жегені желке, ішкені ірің болды. Көргені қорлық, өмірі өксіген деген мағынада. Жегенін желкесінен сықты. Ішкен асын бойына сіңірмей, сазайын берді. Жегені желкесінен шықты. Алғаны бұйырмады. Жеп қоя жаздады. Қатты ашуланды, қолдыаяққа тұрғызбай ұрысты.