ТЫНЫШ
сын есім. 1. Шусыз, айғайсыз, жым-жырт. 2. ауыспалы мағына. Алаңсыз, уайым-қайғысыз, жайбарақат. 3. Жайлы, ыңғайлы. 4. ауыспалы мағына. Соғыссыз, дау-дамайсыз. Тыныш жанартау. географиялық. Атқыламайтын жанартау. Тыныш жатты. а) Ешкімге соқтықпады, килікпеді. ә) Соғыспай, қаннен-қаперсіз. б) Тыншыды, тыным тапты. в) Бос жатты, ештеңемен жұмысы болмады. Тыныш жүрді. Ешкімге соқтықпады, килікпеді, тиіспеді. Тыныш құлағым [ аш құлақтан тыныш құлақ ]. Жайбарақат, ешкімге қатыссыз болу мағынасында. Тыныш қылды. Тыныштандырды, тыншытты. Тыныш отырмады [ отырған жоқ ]. а) Жұмыссыз бос отырмады, дамыл таппады, мігір көрмеді. ә) Соқтықты, килікті. б) Кіріспейтін жерге кірісті, сөзге орынсыз араласты. Тыныш тапты. Тыншыды, жаны жай тапты. Тыныш таппады. Мазасы кетті, дамыл көрмеді. Тыныш таптырмады. Дамыл көрсетпеді, тыным бермеді. Тынышы кетті. Мазасы болмады, тынышсызданды. Тынышын алды. а) Мазасын алды, тыныштық бермеді. ә) Дамыл таптырмады, мұрша бермеді. Тынышын бұзды. Мазалады, мазасын алды. Тынышын кетірді. Мазасын алды, мазалады.