ИМЕК
сын есім. 1. Доға тәрізді ішке қарай иілген, бүгілген. 2. Бүкірейген, еңкіш. 3. Төмен қарай иіңкі, салбыраңқы, майысып бүгілген. 4. Иір-қиыр, бұралаң, қисық. Имек итошаған. өсімдік. . Күрделігүлділер тұқымдасы итошаған туысына жататын өсімдік түрі. Имек [ сүйір ] мұрын. Ұзын, ұш жағы имиген мұрын. Имек шөңгебас. өсімдік. Сарғалдақтар тұқымдасы шөңгебас туысына жататын өсімдік түрі. Имек ыңғыру. қолөнер. Қуыс бұйымдарды оюға арналған құрал, сайман түрі. Имек қармақ. зат есім. Балық аулауға арналған құралдың бір түрі. Имек қас. поэтикалық. Қиғаш, иілген қас. Имек таяқ. спорт. Хоккей ойыншыларының таяғы (клюшка).