ОТЫР
= етістік. 1. Белгілі бір жерге жайғасу. 2. Осы күйде отырып, бір іспен шұғылдану, қызмет атқару. 3. Бір нәрсенің, заттың үстіне орналасу, қонақтау. 4. Көлікке, мәшинеге түсу, міну. 4. Бір жерге қоныс тебу, мекендеу, орналасу. 5. ауыспалы мағына. Сотталу, бас бостандығынан айырылып, түрмеде болу, қамалу. 6. ауыспалы мағына. Ұзақ уақыт тұрмысқа шықпау, жұмыссыз қалу сияқты белгілі бір жағымсыз күйде, жағдайда болу. 7. ауыспалы мағына. Белгілі бір қызметте болу, басшылық ету. 8. Толық мағыналы етістік сөздермен тіркесіп келіп, осы шақтық мағына үстейтін көмекші сөз. Отыра тартпа сөз. Кіржік кісінің сөзі туралы айтылады. Отырған орның орман болсын. алғыс сөз. Шалғынды, жерұйықта тіршілік жаса! Отырмай омал! қарғыс сөз. Тіл алмаған адамға айтылатын, отырған жеріңнен тұра алмай қал мәніндегі сөз. Отырса – опақ, тұрса – сопақ. Қалай істесе де жақпады, мін таба берді. Отырып алды. а) Бет бақтырмай қасарысты. ә) Жiкжаппар болды, қиылып сұрады. б) Тұрмысқа шықпай, көпке дейін жүріп алды.