ҚАСҚА
сын есім. 1. Малдың негізгі түсінен басқа маңдайында болатын дақ, жолақ. 2. ауыспалы мағына. Сорлы, бейшара, байғұс. 3. жергілікті сөз. Мықты, алғыр, өткір. Қасқа айғырдың баласы. Текті, көргенді, сүйегі асыл. Қасқа айғырдың баласы қасқа тумаса да, төбел туады. Жақсыдан дәл өзіндей жақсы болмаса да, соған жақын, жетеғабыл асыл туады деген мағынада. Қасқа бас. а) Маңдайында қасқасы бар, асыл тұқымды жылқы, тұлпар. ә) Төбе шашы жоқ, жалтыр бас. Қасқа батыр. Елдің арқа сүйер азаматы, батыры. Қасқа бие. Маңдайында ұзынша келген ақ түстi жолағы бар бие. Қасқа жол. а) Тауды, белді тік асатын жол. ә) Алға қойған айқын мақсат, ұстаған бағыт. Қасқа Құдай. Қатты күйзелгенде, ашу-ыза кернегенде айтылатын кейіс сөз. Қасқа маңдай. бейнелі сөзқолданыс. Ақылды, данышпан, кемеңгер. Қасқа мен жайсаң. Мырза мен төрелер, атақты дөкейлер, ығай мен сығай. Қасқа таң. бейнелі сөзқолданыс. Жаңа атып келе жатқан таң; таң бозы. Қасқа тіс. а н ат. Адамның, малдың алдыңғы төрт тісі; күрек тіс.