ҚАМЫС
зат есім. 1. Өзен, көл жағаларында, сондай-ақ сазды, батпақты, ылғалды жерлерде өсетін өсімдік. 2. термин. ботаникалық. Астық тұқымдасына жататын қияқ жапырақты көпжылдық шөптесін өсімдік. Қамыс айқабағы. зоологиялық. Торғай отряды сандуғаш тұқымдасына жататын құс. Қамыс қалпақ. Қамыстан тоқылған баскиім. Қамыс құлақ. Қамыстай сүйір құлақ (ат.). Қамыс мысығы. зоологиялық. Құлағының ұшында шашақталған қылшығы бар, жабайы дала мысығынан гөрі ірі, жүні бір түсті жабайы мысық. Қамыс орақ. Тек қамыс шабатын орақ. Қамыс тегене. Қамыстан жасалған шұңғыл ыдыс.