БОТА
зат есім. 1. Түйенің бір жасқа толмаған төлi. 2. ауыспалы мағына. Бала. Бота белбеу. Белбеудің асыл таспен өрнектелген ең сапалы түрi; кемел белбеу, асыл белбеу. Бота көз. а) Шарасы кең, мөлдіреген үлкен әдемi көз. ә) Сұлу, ару, сымбатты қыз. Бота қалжың. Өзімсінген, жеңіл ойын, қалжың. Бота қылды. Жуасытып, өз иелігінде жұмсап алды. Ботаның көзіндей. Мөпмөлдір, таза, мөлт-мөлт еткен. Ботасын бауырына алған iнгендей. Жақсы көргеннен бойы еріп, барлық жандүниесi балқып еміренген. Ботасынан айырылған аруанадай. Баласынан айырылып, зарлап қалған анадай. Ботасы өлген iңгендей [ түйедей ]. Әбден зарланып, қатты қайғыланып. Ботасы өлген түйе дей [ бозінгендей ] зарлады. Қайғыға батты, жоқтап зар еңіреді. Бота тапырақ. Тарбаңдаған, тайраңтайраң жүріс. Бота тастады. Іш түсірдi, iш тастады, уақытына жетпей бота өлi туды. Бота тірсек. а) Тірсегі иіліп келген, әдемі, сымбатты (жүйрік ат). ә) Әлжуаз, қайратсыз, аяғын имитіп басатын (адам). Бота тірсек бозбала. Жас, әлжуаз. Бота iшік. Жүнін iшіне қаратып бота терісінен тіккен iшік.