ҚАЗАҚЫ
сын есім. 1. этнографиялық. Қазақ үлгісi бойынша iстелген, қазақ халқына тән. 2. ауыспалы мағына. Қазақтық қасиеттерi мол, қарапайым (кісi). Қазақы арба. этнографиялық. Дөңгелегi аса үлкен емес, екi қанаты, аласалау түйеге, өгізге, атқа жегілетін күшкөліктің түрi. Қазақы бесік. этнографиялық. Қазақ тұрмысына лайықталып жасалған, сүйегi, түбегi, шүмегi бар, нәрестенi бөлеуге арналған, көшіпқонуға ыңғайлы ағаш төсек. Қазақы бөрік. этнографиялық. Ішi сырылған, сырты қамқа, пүліш тәріздi қымбат маталармен тысталған, құндыз, қамқа, қалтар, сусар тәріздi бағалы аң терілерінен жасалған, 68 сай етіп тігілген бөріктің түрi. Қазақы ер. этнографиялық. а) Сүйегi жұқа, ықшам, жеңіл (ер адамдарға арналған) ер; ә)Сүйегi ауыр, алтын, күміс, асыл тас, сүйек, мүйізбен әшекейленіп, былғары, шұға барқытпен қапталған (әйелдерге арналған) ер. Қазақы етік. этнографиялық. Қонышы ұзын былғары етік, саптама етік. Қазақы жылқы. Жылқының қазақ жеріне бейімделген түрi; жабы, қарабайыр. Қазақы кереует. этнографиялық. Екi басы көтеріңкi, сүйек шауып әшекейлеп жасаған төрт не алты аяқты ағаш төсек. Қазақы қауын. жергілікті сөз. кәс. Түсi сары, кейде көкшіл келетін қауын түрi. Қазақы қой. Қылшық жүнді, үлкен құйрықты қой тұқымы. Қазақы мінез. Кеңпейілдік, бауырмалдық, қонақжайлық сияқты т.б. қазақ халқының ерекшелігін көрсететін іс-әрекет, мінез-құлық. Қазақы үй. этнографиялық. Төбесi қалыңдатылып сыланған жайпақ (шатырсыз), аласа үй.