ҚҰЛЫН
зат есім. 1. Жылқының алты айға дейінгі төлі. 2. ауыспалы мағына. Кішкентай ұрпақ, жас жеткіншек. 3. ауыспалы мағына. Адам баласының жас кезі, жасөспірім, жеткіншек. 4. экспрессивті. Баланы жақсы көріп еркелету мәнінде айтылатын қаратпа атауыш. Құлын дауыс.. Шырылдаған, шыр-шыр еткен, жан айқай. Құлындағы даусы құраққа шықты [ барды, құлаққа келдi ]. Шыңғырған даусы жер жарды, қатты айғайлады, қатты шыңғырды, жан даусымен айқайлады. Құлындағы сақау, құнандағы тісеуін айтты. Дәнеңе қалдырмай, өткен-кеткен ескі дауларын түк қалдырмай тізді, түптұғиынымен айтты, бар кінәні артып, теріп, үйіптөкті. Жан даусы шығып, айқайлады. Құлын еміздігі. Құлын туған соң таңдайының астынан түсіп қалатын жұмсақ без. Құлын жақы. Құлын терісінен, түгін сыртына қаратып тігілген сырт киім. Құлын жарғақ. а) Жүнін сыртына қаратып, жұқалау етіп иленген құлын терісінен тігілген тон, сырт киім. ә) Құлынның көктемгі терісі. Құлын жас. Өрімдей, уыздай жас. Құлын жүрек. бейнелі сөзқолданыс. Жас, жеткіншек, бозбала. Құлын құйрықтанды. Сирек шашақты. Құлын қымыз. этнографиялық. Ашығанына бір тәулік асқан жаңа қымыз. Құлын мүше. а) Бабына келген жорғаның сыны. ә) Дене бітімі сымбатты, балғын дене (жас қыз туралы). Құлын мүшесі бұзылмаған [ мүшелі ]. Уыздай жап-жас, балғын. Құлын салды. а) малшаруашылық. Биені сауар алдында идіру үшін құлынын емізді. ә) Құлын туды. Құлын тастады. Бие іш тастады, құлыны өлі туды. Құлын тұяқ жамбы. Үлкендігі құлын тұяғындай жамбы.