ҚАУІП
[ араб тілі. ] зат есім. 1. Қорқыныш, үрей; сақтық. 2. и н ф. Мәліметтерді абайсызда немесе әдейі бұзу, жария қылу және рұқсатсыз өзгерту, ақпаратты ұрлау және тағы осы сияқты әрекеттерден төніп тұрған қауіп. Қаупін үзді. Ойынан қайтты, күмәннен арылды. Қауіп белгісі. Қатерлі жағдай, аймақ жөнінде ескерту жасайтын шартты белгі. Қауіп етті. Қауіп қылды, қорықты, үрейленді. Қауіп келді. Қатер төнді, зиянын тигізетін қауіп-қатер жақындады. Қауіп кірді. Қауіптенді, қорықты, үрей пайда болды. Қауіп қылды. Қауіптенді, қорықты. Қауіп ойлады [ күтті ]. Қорықты, қауіптенді. Қауіптен ойды бұлтартты. поэтикалық. Қатерден арылды, күмәннен сейілді. Қауіп төнді. а) қауіп-қатер жақындады. ә) Адам өміріне қауіпті жағдай болды. Қауіп туды. Қауіп пайда болды, қатер туды. Қауіптің басы қайтты. Төнген қатер сейілді; қауіпсіздік шарасы қолданылды. Қауіпті серпіді. Қатер азайтты, қауіптен құтқарды.