ГАЗЕТ
[ итальян тілі. gаzzetta ] зат есім. 1. Ағымдағы саясиәлеуметтік өмірден, мәдени, экономикалық, спорттық т. б қоғамдық мәліметақпарат беретін, үлкен парақтардан тұратын, түптелмейтін күнделіктi немесе апталық мерзімдi басылым. 2. Газет дайындап шығаратын баспасөз ұжымы, мекемесi. 3. Ақпарат жарияланатын басылымның материалы, жұқа парақ, қағаз. Газет бетінде жарық көрдi [ жарияланды ]. Газет басылымында, газеттің кезектi санында мақала немесе тағы басқа. түрінде шықты, хабарланды, жазылды. Газетке жазылу. Газеттi белгілi мерзім, уақыт iшінде үзбей алу үшін, алдын ала қаражат төлеп, құжат толтыру. Газетке шықты. Газетке жарияланды. Газет киоскi. Газет, журнал сияқты мерзімдi басылым өнімдерін сататын дүңгіршек. Газет қиындысы [ қағазы, жыртындысы ]. Бұрынғы кезде газет беттерінен ұсақтап кесіліп, темекi орауға арнап дайындалған жұқа қағаз. Газетқызметкерi. Мерзімдi баспасөз ұйымында жұмыс iстейтін маман. Газет нөмірi. Мерзімдi шығатын газеттің кезектi саны. Газет редакторы. п о лигр. Мерзімдi басылым органының немесе оның бір бөлімінің шығармашылықшаруашылық жұмыстарына басшылық жасайтын баспа қызметкерi. Газет тігіндісi. Бiр жыл немесе бір ай iшінде шыққан газеттің түптемесi, жиынтығы. Газет тілі. Күнделікті немесе апталық мерзімді басылымдардың тілі. Газет шығару. полиграфиялық. Мерзімдi басылым iсін ұйымдастыру.