ТІЗБЕК
зат есім. 1. Бірінің соңынан бірі тізілген, рет-ретімен тұрған топ, лек, қатар. 2. әскери сөз. Маңдайшеп бойынша әскердің бір сызықтың бойында 6-8 м (8–12 қадам) аралықта орналасуы. 3. информатикалық. Барлық қабырғасы әртүрлі маршрут. Тізбектің өсуі. химиялық. Мономер молекулаларының белсенді ортаға қосылуы [ Мұның нәтижесінде жаңа белсенді орталық түзіледі ]. Тізбектің тууы. химиялық. Тізбекті реакцияның жүруін қамтамасыз ететін, бірінен соң бірі жүретін қарапайым актілердің алғашқысы [ Мұның мәні әрекеттесуші заттар молекулаларының қозып, олардың радикалдарға айналуында ]. Тізбектің үзілуі. химиялық. Тізбекті реакцияның жүруін қамтамасыз ететін қарапайым актілердің өту ретінің соңғы кезеңі, белсенді орталықтың басқа белсенді орталықтармен немесе молекулалармен әсерлесуі немесе мономолекулалы қосылысқа айналу салдарынан белсенділігінің жойылуы.