МҰЗДЫҚ
зат есім. Ұзақ уақыт бойы сақтала тын ірі мөлшерлі мұз шоғыры. Мұздық аккумуляциясы. геологиялық. Мұздық шөгінділерінің құрлықта және мұздық пен мұздық маңылық сушараларда жиналуы. Мұздық аңғар. Таулардағы мұздық жырған эрозиялық аңғар. Мұздық асты ағындысы. Тау мұздықтарының жиегінен немесе жамылғылық мұздықтардың астынан шығып жататын ағын су. Мұздық дәуір. Полярлық ендікпен қоса қоңыржай ендіктің климаты аса суытып, мұз жамылғының жаппай жайылған кезеңі. Мұздық жамылғылар. Тұтас мұз қалқаны түріндегі қалыңдығы бірнеше км (антарктикалық мұздықтың қалыңдығы >4 км), ауданы бірнеше млн. км 2 болатын жерүсті мұздықтарының түрі. Мұздық жарықшақтар. Қозғалыс кезінде мұздықтардың жарылуынан пайда болатын жарықшақтар. Мұздық кезең. Жердің геологиялық тарихындағы тым ұзаққа созылған уақыт кезеңі. Мұздық кептелу. Сең жүру кезінде мұздың ірі бөлшектерінің өзендердің тар арналарында, ағын су иіндерінде, қайырларда және т.б. жерлерінде кептеліп үйілуі. Мұздық кешен. Заңдылық бойынша орналасқан мұздық бедер пішіні мен түзілімнің жиынтығы. Мұздық көл. Пайда болуы мұздықтың өткен кезеңдердегі әрекеттері арқылы (жиақтау немесе жырту) немесе шығыңқы мұздық тілінің табиғи ағынының бөгелуіне байланысты қалыптасатын көл. Мұздық қазандары. геологиялық. Мұздық табанындағы қабырғалары тік, түбі ойыс тереңдеме (эворзиялық қазандар). Мұздық қозғалысы. Мұздықтың ауырлық күші ықпалымен қоректену аймағынан жиегіне қарай жылжуы. Мұздық маңы белдемі. геологиялық. Континент немесе тау мұздығына жапсарлас белдем. Мұздық мұзы. Қар шегінің жоғарғы жағындағы қардың қатты кристалдануынан және мұздық қозғалысы кезінде динамикалық өзгерістерге ұшырауынан қалыптасқан мұз. Мұздық өзен. а) Мұздықтың еріген суы құйылатын өзен. ә) Мұздық бетінде еруі арқылы арна салған еріген судың ағыны. Мұздық табаны. Мұздық орналасқан түпкі жыныстардың беті. Мұздық шашылымдары. Мұздық әрекетінің нәтижесінде түзілген шашылымдар. Мұздық шөгінділер. Мұздықтың және мұздық еріген кезде пайда болған су ағындары әрекетінің нәтижесінде пайда болатын түзілімдер жиынтығы.