РЫНОКТЫҚ
сын есім. Нарықтық, нарыққа тән. Рыноктық жетекші. экономикалық. Саладағы рыноктың үлесі барынша көп кәсіпорын. Рыноктық күштер. экономикалық. Еркін рынокта сұраным мен ұсынымға ықпал ететін және бағаны айқындайтын жағдай – сатушылар мен сатып алшылардың, несие берушілер мен қарыз алушылардың мінезқұлқы. Рыноктық қорлар. экон. Ішкі рынокта жеке тұтыну үшін халыққа ұсынылатын тауарлардың жиынтығы. Рыноктық сынақтама. экономикалық. Тауарлардың сыртқы түрін, буыптүйілуін, тауар таңбасын, атауын тұтынушының бағалауы туралы оперативтік коммерциялық ақпарат алу мақсатымен тауарды таңдап алынған рыноктарды сынап сату. Рыноктық тексеру. экономикалық. Қандай бағаланымның жақсы екенін және белгіленген бағамен қанша акцияны сатып алуға немесе сатуға болатынын анықтау үшін сыртқы биржа айналысында жүрген бағалы қағаз бағаланымын бірнеше фирмадан сұрап білу. Рыноктық тепе-теңдік. экономикалық. Тауарлар мен қызмет көрсетулерге сұраным көлемі мен құрылымының және олардың ұсыным көлемі мен құрылымының арасалмағы. Рыноктық тетік. экономикалық. Нарықтың негізгі үш нышанының: ұсынымның, сұранымның жәнебағаның өзара әрекеттесу тетігі. Рыноктық үміткер. экономикалық. Өзінің рыноктағы үлесін молайту жолында күресетін кәсіпорын. Рыноктық ізбасар. экономикалық. Өзінің рыноктағы үлесін сақтай отырып және қатерлі шешім қабылдамай, салалық жетекшілердің соңынан ілесу саясатын жүргізетін кәсіпорын. Рыноктық экстремизм. экономикалық. Тауар өндірушілердің толық дербестігі; еркін нарықтық баға негізінде жоспарлы экономикадан нарықтық экономикаға көшу.