БИТ
1омоним зат есім. 1. Жанжануарлардың қанын соратын жәндік. 2. зоологиялық. Адам мен сүтқоректілердің қанын сорып тіршілік ететін ұсақ жәндіктер отряды. 3. зоологиялық. Өсімдік жапырақтарының шырынын соратын зиянды жәндік. 4. ауыспалы мағына. Жатыпішер, арамтамақ. Бит астындағы сыр. Құпия, бейтаныс, жасырын. Бит басты. Биттедi, бит қаптады. Бит буды. Бит қаптап, қышытты, дуылдатты. Бит жедi. Биттедi, бит басты. Битке өкпелеп, тонды отқа салды [ өртедi ]. Болмашыға ренжіп, үлкен несібеден айырылды. Битке пышақ суырғандай. Түймедейдi түйедей ететін, болмашы нәрсеге бола бүлінетін. Бит қарағандай. Асықпай, аспай-саспай, мұқият, ұзақ. Бит қарады. Битінен тазалады. Бит қарасты. Биттерін тазаласты. Бит талады. Бит шақты, мазаны алды. Бит терісінен биялай жасайтын. Жоқтан құрап бар ететін үнемшіл де шебер. Биттің қабығындай. Өте жұқа. Бит шаққандай болмады. Болмашы, түкке тұрғысыз болды. Бит шаққандай [ шаққан ғұрлы ] білінбедi [ көрінбедi ]. Түк сезілмедi, еш әсерi болмады, әсер етпедi. Бит шаққандай көрмедi. Елемедi, ойына кіріп шықпады, мән бермедi. Бит шаққан құрлы. Болмашы, түкке тұрғысыз; ешқандай, ешбір. Битін салды. Жантәнімен, құныға кірістi. Битін сығып, қанын жалады. Жарымады, жалаңдады, жоқшылықпен күнін өткіздi. Битін сығып, отқа қарады. Жалаңдады, жалмаңдады. Бит iшіне қан қүйды. Қулықтың сан тәсілін білдi, қулыққа басты, алдады.