ЖЕДЕЛ
үстеу. Тез, жылдам: асығыс, тығыз. Жедел ақпарат. а) Ғылым мен техника саласындағы маңызды жаңалықтар туралы рефераттардың библиографиялықмәліметтік жедел басылымы. ә) информатикалық. Орындалатын жұмыс процесі барысында тікелей пайдаланылатын және мүдделі тұлғаға тез арада жеткізілетін ақпарат. Жедел гастрит. медициналық. Көбіне дұрыс тамақтанбаудан болатын асқазан кілегей қабығының қабынуы. Жедел жад. информатикалық. Арифметикалық және логикалық операцияларды орындау кезінде командаларды, бастапқы мәліметтерді, аралық және ақырғы нәтижелерді уақытша сақтау үшін керек уақытша жад. Жедел жәрдем. Тез арада көрсетілетін медициналық көмек. Жедел жәрдем мәшинесі. Қолма-қол медициналық көмек көрсететін мәшине. Жедел көмек. а) и н ф. Жұмыс істеу барысында пайдаланушыға жүйемен көрсетілетін көмек. ә) медициналық. Жедел жәрдем, тез берілетін дәрігерлік көмек. Жедел өңдеу. информатикалық. Мәліметтерді жүйеге келіп түсісімен, кідіріссіз өңдеу. Жедел өсіру. биологиялық. Көкөністерді (ақжелкен, иістіжелкен, жуаның жасыл бөлігін), гүлдерді (раушан, бөртегүл, қалампыр, қызғалдақ), жидектерді (құлпынай, жүзім) қыс айларында жылыжайларда, көшетханаларда өсіру. Жедел пневмония.медициналық. Кенеттен басталып, дене қызуы 39–40°Сқа, кейде одан жоғары көтеріліп, науқас қалтырап, алғашқыда құрғақ жөтел, кейіннен қақырықты жөтел түрінде пайда болатын аурудың түрі. Жедел режім. информатикалық. Ең жоғарғы басымдылыққа ие тапсырмаларды өңдеу режімі. Жедел сақтауыш құрылғы. и н ф. < ағылшын тілі. Rаndоm Аcсess Memоry> а) Ақпарат тек уақытша сақталатын сақтауыш құрылғы. ә) Әрекет шапшаңдығы орталық процессордың әрекет шапшаңдығымен шамалас программалық адрестелетін жад. б) Процессорда орындалып жатқан программалар мен оларға қажетті мәліметтерді сақтайтын компьютердің жедел жады. Жедел [ мерзімдік ] салым. экономикалық. Банкілер және басқа да кредиттік мекемелердің бір жылдан кем емес мерзімге қабылдайтын жинағы. Жедел іздестіру қызметі. заң. Шұғыл түрде іздеу салу ісі.