БУХГАЛТЕРЛІК
сын есім. 1. Бухгалтерияға тән; бухгалтерге қатысты. 2. Бухгалтер маманын даярлайтын. Бухгалтерлік баланс. қаржы термині. Шаруашылық жүргізушi заңды тұлғаның белгілi бір күнгi, көбінесе күнтізбелік кезеңнің (айдың, тоқсанның, жылдың) басындағы не аяғындағы қаржы шаруашылық жайкүйін ақшалай түрінде жинақтап сипаттайтын бухгалтерлік есеп құжаты. Бухгалтерлік есеп. қаржы термині. Кәсіпорынның қаржы және шаруашылық қызметінің нәтижелерін есепке алу жүйесi. Бухгалтерлік есеп жүргізу. қаржы термині. Заңды тұлғалардың қорлары мен қор көздерін және қаржы айналысын, шаруашылық операцияларының мазмұнын нақты құжаттар негізінде үздіксіз және өзара байланысын сақтай отырып, арнайы өлшеу бірлігімен тіркеп отыру. Бухгалтерлік пайда. Салық төлеуге кететін шығысты шегерілгенге дейінгi кезең iшіндегi таза пайда немесе залал.