ҚОРША
= етістік. 1. Бір нәрсені айналдыра бекіту, қоршау жасау, шарбақтау. 2. Айнала қоршаулап тұру. 3. Қарсылас жақты, жауды қамап алу, қамауға түсіру. 4. Айнала ортаға алу, қаумалау. 5. Қаптау, сыртын көмкеру. 6. ауыспалы мағына. Түгел қамтып тұру. 7. ауыспалы мағына. Көмкеру. 8. ауыспалы мағына. Меңдеу, мазалау. Қоршаған орта [ дүние ]. географиялық. а) Айнала, табиғат. ә) Адамның тіршілік етуін, қалыптасуын, ісәрекетін анықтайтын барлық табиғи, қоғамдық, материалдық және рухани жағдайлар. Қоршаған ортаға әсер. экологиялық. Қоршаған ортада өздігінен немесе антропогендік ісәрекеттер нәтижесінде пайда болып, қоршаған ортаға кері әсерін тигізетін заттектер, энергиялар мен ақпарат ағыстарының кез келген түрі. Қоршаған ортаға әсер ету индексі. х и м. Экологиялық жүйеге бүліндіре әсер етудің сипаттамасы. Қоршаған ортаны қорғау. экологиялық. Жанды табиғат (өсімдік пен жануарлар дүниесі) пен жансыз табиғатты (топырақ, су, ауа, т.б.) қорғау, ұтымды (сарықпай) пайдалану және қалпына келтіру жөніндегі шаралар кешені. Қоршаған ортаның ластануы. экологиялық. Адамға және табиғи экожүйеге зиянды әсер ететін физика-химиялық және биологиялық заттардың қоршаған ортаға нұқсан келтіруі. Қоршаған орта сапасы. экологиялық. а) Өмір сүру ұзақтығымен, денсаулық өлшемімен және белгіленген тұрғындар тобы үшін қалыпты аурулардың деңгейімен сипатталатын адам өмірінің қажеттілігіне сәйкес орта дәрежесі. ә) Ағзаның қажеттілігіне сай табиғи жағдайлар дәрежесі.