ҚҰРЫЛЫСТЫҚ
сын есім. Құрылысқа жарамды, құрылыс үшін қажетті. Құрылыстық керамика. Баздан немесе оның басқа минералдармен қосындысынан жасалып, тастай қатқанға дейін күйдірілген бұйым. Құрылыстық қалдықтар. Негізінен тұрғын үйлерді, өндіріс орындарын, жол, т.б. құрылыс жұмыстарын жүргізген кездерде пайда болатын қалдықтар. Құрылыстық лай. құрылыс. а) Байланыстырғыш заттардың аралас қоспасы. ә) Құм, тас, цемент және тағы басқа. тәрізді ұсақ толтырғыштармен қоса сумен қанықтырылған және белгілі бір уақыттан берік, байланыстырғыш қасиетке ие болатын құрылыс заты. б) Ағынды су қимасынан белгілі бір уақыт мерзімі ішінде өтетін тұнба. Құрылыстық шыны. химиялық. Жарық түсетін тесіктерді шынылайтын шыны, құрылыстардың сыртын әшекейлеуге қажетті шыны.