ТАКТИКАЛЫҚ
сын есім. Тактикаға жататын, тактикамен байланысты. Тактикалық барлау. әскери сөз. Әскери барлаудың құрамалардың, бөлімдер мен бөлімшелердің командирлері мен штабтары, әскерлер (күштер) түрлерінің, арнаулы әскердің бастықтары және ҚК-дің барлық түрлерінің құрамалары мен бөлімдерінің қызметтері ұйымдастыратын құрамдас бөлігі. Тактикалық бомбалаушы. әскери сөз. Қарсыластың нысандарын ұрыс даласында және оперативтік терендікте жоюға арналған жоғары ұшу салмағы 35–70 т, ұшу қашықтығы 5 мың кмге дейін, бомбалық жүк көтергіштігі 3–4,5 т, ядролық жойғыш бөлігі бар ұшақ. Тактикалық бүркеме. әскери сөз. Бiрлестіктердің, бөлімдер мен бөлімшелердің ұрысқа дайындығын немесе құпия объектлердің орнын жасыру үшін жүргізілетін бүркеме. Тактикалық бүркеніш. әскери сөз. Өз әскерлерінің (күштерінің) ілгерілеуі мен орналасуын, артиллериялық және ракеталық әскерлердің атыс (сөрелік) позицияларын, басқару пункттері мен басқа да маңызды объектілердің орналасуын қарсыластан жасыру арқылы жергілікті жердің бүркеніш қасиеттерін, көріну шектеулі болатын жағдайлар мен бүркеніш құралдарын, сондай-ақ жалған позициялар, аудандар жасау әдістерін пайдаланып жасалатын бүркеніш. Тактикалық дайындық. әскери сөз. Бөлімшелерді, бөлімдер мен құрамаларды сол әскер салаларының тактикасына сәйкес ұрысты ұйымдастыру мен жүргізу тәсілдеріне үйрету мақсатындағы жауынгерлік дайындықтың маңызды бөлімі. Тактикалық десант. әскери сөз. Қарсыластың тактикалық және жақын маңдағы операциялық бөлімдеріндегі маңызды объектілерді алу және жойып жіберу үшін шабуылдау соғыстарында, қарсылас әскерлерінің маневрлік ісшараларын тоқтатуда және қауырт шабуылдарды қамтамасыз ету үшін қолданылатын десант. Тактикалық жағдай. әскери сөз. Құрама (бөлім, бөлімше) мен оның көршілері ұрысқа дайындалатын және оны жүргізетін ұрыс алқабында (учаскеде, ауданда) қалыптасатын жағдай. Тактикалық жаттығу. әскери сөз. Барлық әскер салаларының бөлімшелері мен бөлімдерін, арнайы әскерлерді, олардың командирлері мен штабтарын қазіргі заманғы ұрыс жүргізуге іс жүзінде бірлесе дайындаудың ең жетілген түрі. Тактикалық зымырандар. Жалпы әскери қарулар құрамаларынан тұратын және қарсыластардың тактикалық түпкірінде орналасқан объектілерді жоюға арналған ұрыс ракеталары. Тактикалық қор. әскери сөз. Құрамалар (бөлімдер), бөлімшелер командирлерінің тікелей қол астындағы бөлімдер (бөлімшелер); ұрыстық рет элементі.