ШАБУЫЛ
зат есім. 1. Соғыста жауға қарсы қарсыласты жеңуге бағытталған қимыл-әрекет, ұрыс әрекетінің негізгі түрі. 2. Біреуге қарсы іс-әрекет, қимыл. 3. Арыбері шауып, ат сабылтқандық. 4. экономикалық. Компаниялардың рынокта жетекші орын алу мақсатымен қолданатын баға саясаты. Шабуыл алқабы. әскери сөз. Бірлестік (құрама, бөлім) жауынгерлік міндеттерін орындаумен байланысты шабуыл жүргізетін, маневр және басқа да қимылдарды жүзеге асыратын шектегі жергілікті жер алқабы. Шабуылға [ ұрысқа ] қамданды. Соғысқа, шабуылға дайындалды, әзірленді. Шабуыл жасады. Атой салды, шабуылға шықты, ұмтылды. Шабуыл қарқыны. әскери сөз. өз әскерлері және қарсылас жақтың жауынгерлік қабілеті мен санына, қорғаныс сипаты мен жергілікті жер ерекшеліктеріне, дайындыққа, шабуылдың батылдығына т.б. байланысты шабуылдаушы әскердің қозғалу жылдамдығы км/тәулікпен өлшенетін операция ауқымының бірденбір көрсеткіші. Шабуыл сағаты. әскери сөз. Қарсыластың алдыңғы қорғаныс шебіне танк және мотоатқыштар бөлімшелерінің бір мезгілде шабуылға шығуын қамтамасыз ету мақсатында командирдің алдын ала хабарлайтын уақыты [ Шабуылға шығу жөніндегі белгі (сигнал) қарсыластың алдыңғы шебіне танкілер мен мотоатқыштар әскерлерінің сол «сағатта» жетуі ескеріліп беріледі ]. Шабуыл салды. Атой берді, шабуылдады. Шабуыл шебі. әскери сөз. Әскердің қарсыласқа қарсы шабуылын бастайтын бөлімше командирі анықтап берген жергілікті жердің белгілі бір бөлігі.