ЖАППАЙ
үстеу. Түгелдей, тегіс. Жаппай ату. әскери сөз. Нысана шебіне көлденең бағытталған зеңбірек немесе тау қаруының атысы. Жаппай ату аймағы. әскери сөз. Қорғаныстағы әскерлер шабуылдаушы қарсыласты жою үшін алдын ала немесе ұрыс қимылдары барысында барлық қару түрлерінен тиімді атыс дайындап жүргізетін жергілікті жер жолағы. Жаппай жою қаруы. әскери сөз. Жаппай шығынға ұшырату немесе қирату үшін қолданылатын жою қабілеті жоғары қару. Жаппай қырыпжоятын қарудан қорғану. әскери сөз. Әскерлерді, тылдағы нысандарды ядролық, химиялық, биологиялық қарулардан қорғау, әскерлердің соғысқа қабілеттілігін сақтау мақсатында жүргізілетін шаралар жиынтығы.